اشياء لن تتم الليلة

تنتابني الان رغبة عارمة في الشرب

الاول احضر حفلة اي حاجة تكون ميتال جامدة .. بعدها اخرج للشارع في البرد

عاوز اشرب في الهواء الطلق في الشارع كده .. افتح زراير القميص والف حوالين البازيليك لحد ما اتعب واترمي علي النجيلة ادامها وانا لسه بشرب لحد ما اناااااااااااااااام

طبعا نفسي مشمش تكون معايا في كل ده وننام مع بعض لحد الصبح عند البازيليك ..والصبح لما نصحي اخدها ونطلع علي جروبي اللي في الاهرام نشرب هوت شوكلايت ونقرأ الجرايد سوا

********

طبعا الحلم ده لن يتم لشوية اسباب

اننا في بلاد الخصيان وبالتالي كل الحاجات دي ممنوعة (الشرب في الشارع/ حفلات الميتال/ النوم في الشارع)0

ان المشمشة علي بعد 250كم من هنا

انه من الصعب عمل كل ده (لو فرضنا انه ممكن يحصل) بمبلغ اقل من 100 جنية هم كل المتبقين في المحفظة... مع اننا لو في اي حتة محترمة ممكن عمل كل هذه الاشياء بما لايتعدي 50 دولار او ما يعادل 50 وحده نقدية يعني