when the night falls

مش عارف بيحصل ايه بالليل, ببقي مش طايق نفسي ولا طايقك وبحس ان مكالمة بالليل بتاعت كل يوم دي حاجة تقيلة علي قلبي وواجب مضطر اني اعمله غصب عن عين اهلي وانا مخنوق..علي عكس النهار خالص ببقي هتجنن واسمع صوتك بأي شكل ببقي بدور علي اي حجة علشان اتصل واسمع صوتك..بتبقي وحشاني مووووووووت ,ومبتعديش عليا ساعة الا لما افكر فيكي وافكر في اللي احنا بنعمله واحنا مع بعض في الشارع في السرير في خروجاتنا سوا في كل مكان روحناه مع بعض , واقعد افتكر في تعبيرات وشك وانتي مكسوفة , زعلانة,نعسانة , مبسوطة , بتضحكي , حتي وانتي بتعيطي في هارديز لسة فاكر كل دمعة نزلك منك وكل حركة عملتيها ساعتها.
المهم اني وصلت لنظرية كده كنت الاول بحاول اقنع نفسي بيها بس اكتشفت انها فعلا صح.. اني علي ما يكون اليوم خلص ويجي بالليل بكون خلصت مخزوني من (الطاقة الاجتماعية ) بتاعتي...يعني من الاخر ببقي من كتر الكلام اللس بسمعه حواليا طول النهار وكل القرف اللي بشوفة والحورات الوسخة اللي بعيش فيها والناس البهايم اللي مضطر اني اتعامل معاهم واتحملهم.. ببقي خلاااااااص جبت اخري ولا عاوز اسمع ولا اكلم اي حد تاني ..ببقي بس عاوز اقعد كده استمتع بالهدووووووووووووووء بيني وبين نفسي.
ده سبب السبب التاني اللي زود الموضوع ده هو طبعا عملتك السودا بتاعت الاسبوع اللي فات ,, فعلا من يوم ما عرفت اني هفضل شهر من غير ما اشوفك وانا حاسس اني ميت.. لآ مش حاسس لآن مفيش ميت بيحس انا ال ريدي مت من ساعتها..علشان كده انا بتصرف معاكي بالطريقة دي كل ليلة.