Fri- 02/02/07 My Country Girl
زي ما هي جت و شافتني عايش ازاي , وقضينا مع بعض كذا يوم عندي...اليوم ده انا كمان روحت لمشمشة البيت وقضيتة معاها.. طبعا كانت تجربة متتوصفش...في الاول طبعا قبل ما اروح وطول السكة لحد البيت كان صباح القلق والتوتر...هو انا مش فيا دماغ اقعد احكي تفاصيل اليوم بالتفصيل.. بس انا مكنتش مبسوط اوي الزيارة نفسها او بالجو العام اني رايح اتعرف علي الناس وكده بالعكس انا كنت مخنوق شويه من الجو العام رسميات يعني وكده .. بس انا كنت مبسوط اووووي علشان حاجتين ..اول حاجة ان مشمش كانت مبسوطة اوي وحسيت اني فعلا حققتلها حاجة كان نفسها فيها من زمان...تاني حاجة اني حسيت اني اول مرة بشوف مشيرة علي طبيعتها وفي مكانها اللي هي متعوده عليه
---------------------------------------------------------------------------
هي الزيارة مأخدتش اكتر من 3 ساعات..بس كانوا من احلي 3 ساعات قضيناهم مع بعض وقربنا اوي من بعض او علي الاقل انا حسيت اني قربت من حبيبتي اوي
* اه علي فكرة في اليوم ده انا ضحيت بماتش الزمالك والاوليمبي علشان اروح لمشمشة
*الملاك الصغير اللي في الصورة دي بقينا انا وهي صحاب مووووت... اسمها هيام بنت عبير اخت مشيرة
