سؤال
النهاردة وانا راكب ميكروباص علشان اروح من الحدايق للالف مسكن شفت بنتين توأم عندهم حوالي خمس سنين هم مش بنتين هم ملاكين صغيرين ضحكتهم بس لوحدها والشقاوة اللي كانوا بيتشقوها نسوني كل القرف الي كنت فيه الاسبوع اللي فات ... لدرجة مبأتش ابص علي اي حاجة حواليا الا هما الاتنين من كتر ما اتعلقت بيهم وبحركاتهم وضحكهم في وش اي حد يبصلهم علي غير عادة الاطفال المصريين عموما
البنتين دول كانوا لابسين هدوم المدرسة وراجعين مع باباهم وماماتهم زوجين في اواخر العشرينات او اوائل التلاينات
البنتين التوأم دول كانت كل واحدة فيهم لابسة سماعتين علي ودانها ومش بتتكلم او بتتكلم بصعوبة جدا وكلمات مش مفهومة مع اعتماد شبة كامل علي الاشارة ..... لاول مرة في حياتي حسيت اني عايز اعيط ..وعلي الرغم من برودي المعتاد حسيت اني نفسي اخدهم هم الاتنين في حضني .
والسؤال هنا
هل الله اراد هذا للملاكين الصغيرين دول
هل الله اراد هذا
