كان

كان فيه ليالي برد وضلمة في الشتا بس الشوارع كانت فاضية ومنورة

والهواء بيخبط في الوش يخللي الواحد عاوز يطير

وكنيسة البارون والنجيلة اللي حواليها

تنام عليها وتبص للنجوم تشوفها صغيرة وبعيده ومطفية

هي كمان حزينة

بس من كتر حزنها بتنتشي

ومن بعيد كان فيه صوت اينجما بيغنوا

am askin' why

nobody gives n' answer

am just askin' why

pls give me n' answer

وكان فيه محل اب تو ديت

تنزله بسلم لتحت

ساعتها تحس انك انفصلت عن العالم

ودخلت عالم تاني مسحور

تلف وتلف بين الرفوف

عمرك ما تحس بالوقت

بس في الاخر تشتري علي اد فلوسك

تاخد شرايطك وتطلع تاني

للشارع الفاضي المنور

ولهوا الشتا البارد

يخبطك في وشك

ومش تبقي عاوز تروح

* *

كل ده راح فين

؟؟؟؟؟؟؟؟؟؟؟؟