ليلة عادية في حياة واحد عادي

مرة واحد كان مستني خبر ان صاحبتة حامل منه ولا لآ .. فضل قلقان ومكتئب لاكتر من اسبوع يفكر هيعمل ايه في المشكلة دي.. وبعدين وهو واقف يدخن في اون زا رن مستني صاحبة , جاله تليفون من صاحبتة تبلغة ان البريود جاتلها..........(وهو بالطبع ما ينفي حدوث الحمل حسب تأكيدات العارفين بمثل هذة الامور) طبعا مقدرش يمسك نفسة من الفرحة واقعد يصوت ويتنطط في اون زا رن لحد ما صاحبه عدي عليه وخده.. بس كان قرر انه لازم ياخد بعض الاجراءات لمنع حدوث(مثل هذا الامر) فقال انه مش كفايه الكندم اللي هو بيستخدمة لما بيبقي نايم مع صاحبتة ..لآ ده لازم كمان يخليها هي كمان تستخدم وسيلة لمنع الحمل,, المهم مشي هو وصاحبه و طلعوا من هناك علي محل البارفانات اشتري لصاحبتة ازازتين بارفان علشان تحط منهم لما يتقابلوا تاني المرة الجايه.... وبعد كده راحوا اتعشوا في بيتزا كينج علي سبيل الاحتفال بالخبر السعيد ده وبعد كده طلعوا تاني علي اون زا رن خادولهم درينك سريع وهم في طريقهم للبيت وقفوا تاني علشان يشتروا امستيل علشان حس ان الدرينك الاولاني معملش معاه دماغ صح...رجع بيته قلع هدومة فتح الكمبيوتر بتاعه كتب في البلوج بتاعه
ونااااااااااااااااااااااااااااااااااااام
-*-*-*-*-*-*-*-*-*-*-*
ملحوظة مهمة: كان فيه في محل البيتزا واحده شبه إمي ليي بالظبط قاعده مع جوزها ..مقدرش ينزل عينه من عليها وكان نفسه يقوم يقولها انها جميله اوي بس صاحبه اقنعة ان جوزها ممكن يتخانق معاه
وقعدوا هما الاتنين يتجادلوا اذا كان تصرفة ده فيه خيانة لصاحبته وممكن يزعلها ولا لآ